اسم الكتاب : جراده بارتي

المؤلف : شادي الرفاعي

التصنيف : مسرحية 

الطبعة الأولى : 2008

تصميم الغلاف : محمد جابر

السعر :  ١١ جنيه مصرى

 الرئيس يلتقي مع رئيس جيبوتي، الرئيس يستقبل رئيس الجابون،
الرئيس يلتقي مع رئيس جزر القمر، هو القمر عملوها جزر!!
-بقي الناس دي كلها جت وأنا نايم- ويتلقي اتصالا هاتفيا من رئيس هراري... في دولة في الدنيا أسمها هراري!! الرئيس في زيارة إلي ناميبيا، أيه الحكاية.. يقلب صفحات الجريدة أدي الفن... الرئيس يلتقي مع جموع الفنانين (يتنهد).. الرياضة.. الرئيس يستقبل بعثة المنتخب.. مش حنخلص بقي.. طب أيه اللي جاي في التليفزيون... لقاء الرئيس مع شباب جامعة المنيا.. (بعصبية) دة أيه الجرنال اللي كلة لقاءات ده( يرمي الجرنال على الكنبة) مفيش لقاء مع جوليا روبرتس.. نيكول كيدمان.. لقاء مصر والبرازيل.. قال جيبوتي قال والله أنا ما أعرف جيبوتي دي في قارة أيه.

اللوحة الثالثة


مع عودة الإضاءة إلي المسرح نسمع صوت كريم من الداخل
كريم : ياللا.. أصحوا.. إيناس نرمين.. يا حسن.. الكل يصحي.. مش عايز الأقي حد نايم أصحوا
(يدخل كريم وهو يرتيد بدلة.. يفتح باب الشقة ياخذ الجريدة من على الأرض يغلق الباب ثم يجلس على الكنبة)
(بصوت عالي) عايز أخلص الجرنال الأقي الكل جاهز ولابس والفطار على الترابيزة..
(محدثا نفسه).. يا تري أخبار النهاردة..
يا ساتر!!
الرئيس يلتقي مع رئيس جيبوتي، الرئيس يستقبل رئيس الجابون،
الرئيس يلتقي مع رئيس جزر القمر، هو القمر عملوها جزر!!
-بقي الناس دي كلها جت وأنا نايم- ويتلقي اتصالا هاتفيا من رئيس هراري... في دولة في الدنيا أسمها هراري!! الرئيس في زيارة إلي ناميبيا، أيه الحكاية.. يقلب صفحات الجريدة أدي الفن... الرئيس يلتقي مع جموع الفنانين (يتنهد).. الرياضة.. الرئيس يستقبل بعثة المنتخب.. مش حنخلص بقي.. طب أيه اللي جاي في التليفزيون... لقاء الرئيس مع شباب جامعة المنيا.. (بعصبية) دة أيه الجرنال اللي كلة لقاءات ده( يرمي الجرنال على الكنبة) مفيش لقاء مع جوليا روبرتس.. نيكول كيدمان.. لقاء مصر والبرازيل.. قال جيبوتي قال والله أنا ما أعرف جيبوتي دي في قارة أيه.

(تدخل إيناس بنفس مظهرها في اللوحة السابقة)
إيناس: (بصوت عالي) أيه.. عايشين مع لواء ... أصحو... قوموا.. في حد يصحي حد كده؟!
كريم :هو أنت تنامي وتصحي وشعرك هو هو ما تحركش من مكانه!!
إيناس : الناس تصحي في هدوء علشان تشوف حيلعملوا أيه في يومهم المهبب ده مش تصحي على صوتك ولا بس وجاهز طب كنت حضر الفطار
كريم: ولما أنا أعمل الفطار أنت حتعملي أيه؟؟
إيناس : ما تخافش.. أنا ورايا ميت حاجة أعملها
كريم: طب يا ريت بسرعة علشان أنا مستعجل قوى
إيناس: حاضر
كريم:حضر لك الخير أيه الفطار بقي؟؟؟
إيناس: هيكون أيه يعني بيض على فول على جبنة
كريم: طب كويس كنت فاكر سلطة عيش حاف وسلطة زيتون بس تصدقي كان حلو قوى كوكتيل السلطات بتاع أمبارح
(تخرج إيناس يدخل الأولاد وهم يرتدون زي المدرسة يذهبون إلي والدهم يقبلونه)
حسن: صباح الخير يا بابا
كريم: صباح الخير يا أبو على
نرمين:صباح الخير يا بابا
كريم: صباح الخير يا حبيبتي عملتوا واجبتكوا كلها
الأولاد: أيوة يا بابا
كريم: مش عاوز شقاوة بوترجعوا هدومكوا زي ما هي مش عايز حاجة مقطوعة ولا متوسخة وخصوصا أنت ياله مش كل أسبوعين حانجبلك جزمة جديدة
حسن : حاضر يا بابا
كريم : برافو عليكوا ياللا روحوا أفطروا
تدخل إيناس ومعها الأطباق تضعها على السفرة يجلس الأولاد
إيناس: الفطار
كريم: معلش بقي أتاخرت جدا أنا يا دوب الحق أروح الشغل
إيناس: زي كل يوم سربعة على الفاضي
كريم: أعمل أيه بس مش فيه مواعيد لازم الحقها... يللا باي يا ولاد
الأولاد: باي يا بابا
يخرج كريم تجلس إيناس مع الأولاد بعد فترة قصيرة
إيناس: ياللا يا ولاد علشان تلحقوا المدرسة
(يقف الجميع ياخذ الأولاد حقائبهم ويخرجون بعد أن يودعوا أمهم)
(إيناس تجلس على الكنبة تفتح الراديو وتستمع إلي أم كلثوم وتأخذ الجريدة وتقرأها)
إيناس: أهو الجرنال ده زي التليفزيون مفيش تغيير كله في الهواء... كلام كلام ... كلام... ما بخدش منك غير كلام
تستمر في قراءة الجريدة وهي تستمع إلي أم كثلوم بعد فترة تترك الجريدة وتبدأ في تنظيف الشقة بعد دقائق تكون انتهت من التنظيف يدق جرس الباب تذهب إيناس وتفتح الباب تجد أبنائها
إيناس: أيه يا ولاد... رجعتوا بدري ليه؟! ده أنتوا ماكملتوش ساعة
حسن:أصلهم خرجونا بدري النهاردة
إيناس: ليه؟؟؟ هو النهاردة 6 أكتوبر ولا 25 مايو ... ولا 7 سبتمبر؟؟!!!
نرمين : لا يا ماما.. خرجونا بدري علشان في حاجات في السما بطير
حسن : أحنا كنا في الطابور فجأة الدنيا ضلمت بصينا في السما لقينا حاجة كتيرة بطير وبتوقع علينا.. فروحنا
إيناس: (بخوف) خفافيش
نرمين: لا يا ماما دي حاجات خضراء وقالوا أنها بتاكل الزرع
إيناس: حاجات خضراء وبتاكل الزرع حاجات خضراء وبتأكل الزرع!!
(تذهب إلي الكنبة وتأخذ الجريدة)
حشرات تآكل الزرع من أربع حروف...
جراد.. (باندهاش) جراد أنتو شوفتوا في المدرسة جراد.؟!!
نرمين: آه يا ماما... ده كان مالي الشوارع
إيناس: الجراد.... غريبة دي أنا بقالي سنين ما شفتش جراد يا للا مش مهم خشوا أنتو غيروا
( يدخل الأولاد تجلس إيناس على الكنبة)
جراد فيه في مصر جراد.. ده من أمتي بقي؟؟؟!( تخرج إيناس بعد لحظات يدخل كريم الشقة)
كريم: (بصوت عالي) يا إيناس.. إيناس.. أنت فين يا إيناس (تدخل إيناس)
إيناس: أيه بقي... بالراحة شوية فيه أيه؟؟
كريم: مش لسة جاي من برة وعايز أشوف مين في البيت!
إيناس: هيكون فيه مين يعني؟؟؟
كريم: الولاد جم؟؟
إيناس: أيوة... دول جم واتغدوا وناموا
كريم: أيه ده... أول مرة يعني
إيناس: قال أيه روحوا بدري علشان شافوا جراد
كريم: جراد... جراد في مصر
إيناس: أنا عرافة بقي... قالوا أنهم شافوا حاجات خضرا في السما بتآكل الزرع تبقي جراد
كريم: ده أنا أخر مرة شفت فيها جراد كانت في ثالثة ابتدائي أكيد حاجة تانية وهم ش عارفين أنا وأنا جاي ما شفتش أي حاجة
إيناس: مش مهم بكرة نعرف أيه اللي حصل أروح أحضرلك الآكل
(تخرج إيناس ثم يخرج ورائها كريم)

اظلام